Nike Fuelband - 高級計步器

其實這已經不算甚麼新玩意，應該推出了一至兩年，不過香港尚未有行貨，我找了很久也找不到，最後終於從Yahoo拍賣網上買到了。

 

Nike Fuelband表面上是高科技電子零件，但實際上它是一個高級計步器。只要將它戴上手，它會記録你的郁動次數，從而推算步數和卡路里銷耗。

Fuelband表面可以顯示四項數據, 1. Nike Fuel；2. 卡路里；3. 步數; 4. 時間。配合iPhone Nike Fuel app可以將數據與Nike+ Website同步，與朋友競賽，還有可以給自己設定一個每日目標，Nike Fuelband可以顯示進度。

綜合來說，這件玩具對於一些想做運動但又意志薄人仕（像我一樣）應該有幫助，現在我把目標設定為2000 Fuel，如果我平日不做額外運動，大約只可以儲到1600 Fuel，所以有時我為了達標，會特登走樓梯而不乘電梯，又或者乘車提前一個站下車，間接做多了運動，希望不會太快厭倦！

環保洗地水 DIY

環保洗地水

我遇過一些 “無飯家庭” （意指很少造飯的家庭），他們往往為了煮頓飯而買了很多只用一次的東西，或者是造飯過程丟掉一些有其他用途的東西。

這些不常煮食的家庭總試過有剩餘的薑、青蔥、蒜頭、辣椒在廚房放著，是上一次開火時留下的吧？

許多時它們的生長速度遠比開火的密度為高，青蔥開始枯乾了，薑、蒜出芽了，除了丟掉或做廚餘之外，還有其他用途嗎？

有的！它們還是很有用的！千萬不要把它浪費了！

有些現代人開始醒覺到日常生活中充滿了化學品，其實我們可以把剛才提到的 “枯乾了的青蔥、出芽了的薑蒜” 去取代其中一樣滿常見的化學品，就是 ﹣ 洗地水

我們都喜歡家裡乾淨整潔，不希望家裡出現蟑螂、螞蟻等等小昆蟲；“預防勝於治療” ，除保持家裡乾淨整潔之餘，你還可以做一些小安排以防隣居的小訪客登門造訪！


環保洗地水 DIY
材料：
枯乾了的青蔥
出了芽的薑蒜
甚至辣椒、洋蔥等有辛辣氣味（沒有油脂）的食材
（當然新鮮的也可以，但考量到物盡其用及環保的因素，就用丟了可惜的東西去做就好了！）

做法：
把以上食材切開 （主要為了讓植物內裡的汁液、氣味能釋出）
可選擇放入布袋或直接放進熱水浸透
浸透後撈出渣滓就可以用得出的香料熱水來洗地、抺廚房了！


由於蟑螂、螞蟻等小昆蟲天性不喜辛辣氣味，所以用這個 “清潔劑” 來洗地、抺廚房就能收到驅除牠們之效～

大家也試試吧！

存世高手*滄海遺珠(2) - 華記小食店

下午一時，不飢不飽也得找點吃的；路經涌美村剛好遇上小店，便抱一試無坊的心態；怎知竟然是相逢恨晩呀！

老叟是鹵物痴，見掛上不少鹵物的介紹便各點一份。這確是驚為天人的邂逅！

先說鹵水。黑潤的舊鹵味香濃且厚，輕啖一口，不過咸且帶微甜；這鹵水底似乎比老店＂生記＂做得更有心機。鹵物呢？豬䠋仔、鮮鵝腎、鵝肝、鴨舌全是入味而不過火！吃得出店主是以不同火路溫度去分別慢火鹵食物的，在港現在還有幾間肯花時間慢慢做？一向對豬髀仔感覺不好，因為絶大部份店舖都做得粗而較硬；這裡的豬髀卻是軟滑入味的，吃得出全沒用鬆肉粉先處理，而是用了果汁，因嚐到丁點果的甜味，好嘢！

鹵水併盤，味道、鹵製時間等都比不少有名潮鹵飯店出色！

鴨舌鵝腎及鵝肝也是好味之選，尤其鵝肝，味道可比西方的鵝肝醬卻是更帶鮮味！

最正是甚麼？鹵蛋。坊間鹵蛋若要夠味一向是蛋白鹵至硬而蛋黃嚡。這裡，鹵蛋白是滑而帶彈性、蛋黃入喉仍滑的！

冰鎮鴨舌也是有心之作，冰鎮鴨舌與熱鹵鴨舌味道不同，較清，冰鎮溫度適宜，不會太凍而影響食味。

冰鎮鴨舌，清爽微咸

叫了蘿蔔、咖哩魚蛋、鹵水燻雞翼做車仔麵的餸。蘿蔔全沒半點渣，而且清甜多汁，不是平價大陸種蘿蔔； 咖哩魚蛋的咖哩汁香、微辣而有餘韻、不燥不熱，似乎是混了不同咖哩種一起煮，這味道未曾嚐到！

最特別是鹵水燻雞翼。吃出雞翼是先以䉀及糖等煙燻過再以慢火浸入鹵味，所以入味而滑。那股煙燻香味令老叟回憶起廿年前得龍（不是今天）的太爺雞的香味[遅些有時間會寫一篇得龍的食評，收入＜回憶是最美味的＞系列  ，再加上鹵水味，味道令我十分感動！

咖哩汁香、微辣而有餘韻、不燥不熱。蘿蔔清甜多汁、鹵水煙燻雞翼味美非凡！

小店位於這小村名不經傳，食物水準卻是吃出心機與美味的！下次探親必再光顧試試三豬的水準如何。

店名: 華記小食店
地址: 青衣涌美老屋村90號地下

杯子蛋糕

2012/7

杯子蛋糕

如果有朋友帶埋小朋友嚟我地屋企，我就會好想整呢個杯子蛋糕，因為簡單方便易整，又深得小朋友喜愛！

（但其實唔係好健康嘅食物... 間唔中整吓玩吓食吓就可以，真係唔好經常食！）

材料：

大雞蛋4隻

砂糖 250g

軟牛油 250g

發粉 250g

調味：

雲厘那香油 數滴

朱古力粉 三茶匙

入爐朱古力粒 適量

抹茶粉 三茶匙

就係咁多材料，就整到十幾杯蛋糕！

造法：

將蛋打散，加砂糖伴勻後加軟化嘅牛油再伴勻，然後加發粉伴勻；將蛋糊分成三等份，分別放置放不同嘅碗內；

將一份蛋糊加雲厘那香油伴勻，另一份加抹茶粉，最後一份加入朱古力粉同朱古力粒粒〜

跟住放入已預熱嘅焗爐，以180度焗18〜20分鐘。完成！

鐘意嘅仲可以加埋忌兼、朱古力針咁裝飾下！調味方面亦可以改成加少少果醬〜

呢個食譜好適合同小朋友一齊親子製作呢！

牛油餐包

媽媽喜歡吃排包、餐包，晚上約了媽媽吃晚飯，下午閒來無事（其實是懶做家務）就做個餐包給媽媽明天做早餐吧！

材料：
高筋粉 180g
低筋粉 50g
鮮奶 105ml
糖 60g
牛油 42g
雞蛋 45g
即用酵母 4g
蛋汁 少量（塗面用）

用P 仔 105T 打麵團，取出麵團後放到灑了高粉的大碗內

蓋上擰乾濕布再讓它發酵約一個小時，至麵團變兩倍大

拿出麵團切割成8等份，滾圓蓋上擰乾濕布休息30分鐘
時間到了就把麵團移到焗盤內再次蓋上擰乾濕布發酵一個小時

放入已預熱焗爐 160度焗20分鐘。

媽媽明早便有愛心早餐了！

Farewell @ 鰂魚涌有heart 小店 Yo Bago

21/6/2013 (Friday)

Farewell @ 鰂魚涌有heart 小店 Yo Bago

7月4號係我喺呢間公司last day嘅日子，多謝同事們嘅愛錫，呢兩、三個星期真係食無停！

今日同事S 諗住喺我走之前帶我試新嘢！就係呢間專食 bagel （貝果）嘅小店。其實我之前已經幫襯過好幾次，仲好欣賞佢地添！

佢地啲 bagel 應該係自製、唔係來貨〜（？！） 口味多、配料種類選擇多又新鮮，用料質素唔錯㗎！

店面裝修簡約舒適；侍應反應快、有禮貌、互相合作又好！開放式廚房比你見到負責出品嘅員工好認真咁砌出成品，連放喺貝果入面嘅一片菜佢都會拎起望啱先放入去〜 條菜唔靚仔佢會諗都唔諗就掉咗去〜

好欣賞！我諗舖面幾位侍應其實應該係老闆至啱！

喺鰂魚涌食晏，以$40-$50左右嘅價錢算係坐得舒適！唯一美中不足係冷氣略嫌不足，同埋好奇怪地我同同行嘅同事J 都發現，食啲咁清新嘅嘢食但返到公司竟然聞到自己成日油煙味！仲勁過茶餐廳！

我地嘅結論係：開放式廚房嘅後果

雖然店面並無特別油煙嘅感覺，但係可能喺一個鐘嘅食晏時間，唔覺唔覺啲油煙味就上哂身〜

下次我再去會向佢地反映下呢一點，希望可以改善到，咁嚟呢到食嘢就可以坐得更舒適啦！

呢到嘅貝果有8款口味選擇，有：

今次我選咗＂Great Canadian Breakfast＂配 Spinach Bago，其實呢個組合係我第三次Encore! 我唔食牛（但呢到啲有steak 嘅貝果好正！我睇到都流哂口水！），但又想豐富啲同香口啲，所以我認為呢個係屬於我嘅精選〜〜

而同事S & 同事J 就不約而同選咗 Blueberry Bago （要咩配料我就忘記咗... ^^"）；order sandwiches 可以加錢配湯／沙律／飲品，加$10 可選1樣，加$18可選2樣，加夠$25可選哂3樣！

雖然我大食，但係唔好睇個包仔唔大驚唔夠飽，其實一啲都唔會！

同事仔今次加咗沙律，佢地都大讚抵食〜 雖然沙律細細份但因為啲沙律菜都係啲高質菜，所以佢地好滿意〜

而我就加咗湯〜 呢到嘅湯每次都比到我新鮮感〜 今日飲嘅係忌兼青豆湯（正確名稱唔記得咗^^"）你試過就知道，真材實料！

（面頭粒車厘茄唔小心比為食嘅我食咗，跟住先記得影相...）

（橫切面，係咪好豐富呢！？）

（同事嘅藍莓貝果）

（店舖最近安排咗啲工作坊）

雖然我好快就唔再屬於呢區，但係：

I'll be back！

哈哈！

店名: Yo Bago
地址: 鰂魚涌濱海街80號地下

名不虛傳 ﹣ 神廚館

蒲開大角咀嘅人，大多數都有聽過「神廚館」，這間小舖以墨魚餅聞名於世， 最初店舖位於匯豐中心附近， 只賣外賣，近年才搬到埃華街， 有十多個座位。

雖然我常自稱係大角咀地膽， 亦得知神廚館多年，唯因緣際會一直沒有機會光顧。上星期突然心血來潮去吃晚飯， 時間大約八點，一進店尚有很多空位，心想：「會不會是上了賊船？」坐下來後看餐牌，原本想叫墨魚餅加幾味小菜，但發覺只有碟頭飯，於是一行三人就叫了一碟墨魚餅飯、美極牛扒飯及椒鹽排骨飯。墨魚餅果然名不虚傳！可能是我吃過最好吃的墨魚餅，是必食之選；美極牛扒和椒鹽排骨亦算合格，以＄40蚊一碟飯加飲品來說算是超值。 墨魚餅飯 美極牛扒飯 在這個美食雲集的大角咀來說，「神廚館」絕對是其中一間必試之選。以現今百物騰貴之下，真不知道賣平價碟頭飯能支持多久，要食就襯早！ 主打碟頭飯